Bewaarder jaag
2007-04-19
EK wil graag ’n beroep op Drakensteingevangenis se bewaarders doen om asseblief die nou pad, padoppervlak en verkeer tussen die tronk en Boschenmeer in ag te neem wanneer hulle bestuur.
Op Vrydag 12 Januarie om 16:30 het ek vanaf Val de Vie in die rigting van E De Waal skooltjie na die Paarl gery.
’n Wit Citi Golf met CL-registrasienommer met ’n bewaarder agter die stuur het agter my gery. Hy het teen ’n hoë spoed vir my en ’n Picanto-motor, ook met ’n bewaarder-bestuurder, op die draai en dubbelmiddellyn verbygesteek.
Asof dit nie genoeg is nie, ry hy tussen ’n Sentra en sementtrok en steek hulle ook verby naby die robot op die nuwe pad.
Ek wil net aan daardie bewaarder vra om nie so te jaag om by sy bestemming te kom nie. Hy stel sy eie lewe en dié van ander padgebruikers in lewensgevaar. Bewaarders, ry asseblief versigtig!
Tony April
More
News
|
