Driekuns vir Langeveldt
2005-05-19
DIE Protea-krieketspeler, Charl Langeveldt, het verlede week elke Suid-Afrikaner, maar veral sy ondersteuners in sy tuisdorp, Paarl, se harte laat warm klop.
Langeveldt het met ’n driekuns in die laaste beurt van die derde eendagtoets teen die Wes-Indiese Eilande ’n sege vir die Suid-Afrikaners verseker.
Die Windies moes slegs vier lopies in die laaste beurt aanteken, met nog drie paaltjies in die bank.
Langeveldt het egter ander planne gehad en die laaste drie paaltjies met die derde, vierde en vyfde balle platgetrek.
Dié sege, die besoekers se derde, het dan ook verseker dat Suid-Afrika die reeks van vyf eendagwedstryde beklink het.
Langeveldt wat voorheen vir die Young Peoples Krieketklub en Boland gespeel het, maar deesdae vir die Hoëveld Leeus in aksie is, het met ’n boulontleding van 5/62 in 9,5 boulbeurte gespog.
Hy is die eerste Suid-Afrikaner wat ’n driekuns in eendagkrieket kon behaal.
More
News
|
