Lone verhoog vir plaaswerkers
2007-04-25
DIE minimumloon vir plaaswerkers het op 1 Maart vanjaar verhoog tot R1041 per maand (R5,34 per uur).
Daar is nie meer ’n perk van 27 uur per week op die uurtarief nie en ’n werker sal nou byvoorbeeld ’n minimum van R878,12 per maand ontvang vir 40 uur per week gewerk.
Vermindering van ure mag slegs geskied ná behoorlike konsultasie met werkers.
’n Aftrekking vir behuising mag slegs gedoen word vir ’n huis wat duursaam en waterdig is, glasvensters het wat kan oopmaak, minstens 30 vk meter groot is, veilige water beskikbaar het binne 100m van die huis asook ’n toilet binne of naby die huis het (spoeltoilet of putlatrine).
More
News
|
