US koor bied konsert Sondag
2007-05-10
DIE Stellenbosch Universiteitskoor, onder leiding van André van der Merwe, sal Moedersdag om 16:30 ‘n uitvoering lewer in die Endlersaal, US Konservatorium te Stellenbosch.
Werke van Byrd en Elgar, Afrikaanse liedere en spirituals, asook eietydse komposisies kan gehoor word. Die geleentheid sal ook die koor se eerste uitvoering in hul nuwe koordrag wees.
Kaartjies is R50 (R30 vir pensionarisse en R20 vir studente/skoliere) by die Konservatorium Kaartjiekantoor en sal ook voor die aanvang van die uitvoering by die Endlersaal-loket beskikbaar wees. Vooraf telefoniese besprekings kan gemaak word by 021-808 2345.
Vir meer inligting oor hierdie, sowel as toekomstige aanbiedings, besoek www.sun.ac.za/music.
More
News
|
