Besoek museums gratis
2007-05-17
INTERNASIONALE Museumdag word vanjaar weer wêreldwyd op Vrydag 18 Mei gevier en vanjaar se tema is Museums en Wêreld-erfenis.
Beide die Afrikaanse Taalmuseum (in Pastorielaan) en die Paarl Museum gooi Vrydag hul deure oop vir die publiek om die museums se uitstallings gratis te besigtig.
By die Taalmuseum sal die museumgids, Megan Ruiters, begeleide toere aanbied om besoekers bekend te stel aan die museum se uitstallings wat Afrikaans se geskiedenis oor sowat 300 jaar uitbeeld.
Min Afrikaanssprekendes is bewus van die ware wortels van hul taal, wat oor drie kontinente versprei lê, naamlik Asië, Europa en Afrika.
Verskillende tale, waaronder Maleis, Frans, Duits, Nederlands, Portugees en inheemse Khoi- en Afrikatale, het die ontwikkeling van Afrikaans beïnvloed.
Kontak die Taalmuseum by 021-872-3441 en Paarlmuseum by 021-872-2651. Voorafbespreking is noodsaaklik vir groepe.
More
News
|
