Plaaswerkers kamp
2007-05-17
‘n CHRISTENKAMP vir plaaswerkers word van 25 tot 27 Mei by Eerste Tol in Bainskloof aangebied.
Duisende werkers uit die omgewing het alreeds die Waterval-kampe bygewoon, en het baie geleer, geniet en baie vriende gemaak sedert 1999.
Die interkerklike kampe verkondig geen kerkleer of dogma nie, en bied lesings, filmvertonings en groepwerk onder leiding van John Kotze, Van Heerden Herman en Pieter Vermeulen. Boere en bestuurders is ook welkom.
Die koste beloop R170 en aansoek vir gedeeltelike befondsing kan gedoen word. Kontak Annegret 021-872-2468 of Desiree by 082-535-5855. Daar sal busvervoer uit die Paarl gereël word vir persone sonder vervoer.
More
News
|
