Paarl-sege eindig lang droogte
2007-05-31
DIE Paarl Rugbyklub het Saterdag vir die eerste keer in etlike jare daarin geslaag om Belhar op hul tuisveld te klop.
Nie net het die Paarliete die wedstryd gewen nie, maar hulle het Belhar afgeslag met ’n telling van 45-7.
Die weersomstandighede was uiters voordelig vir hardlooprugby en Paarl het ná ’n paar stil wedstryde weer tot hul volle potensiaal gespeel. Basiese rugby en weinig hanteerfoute het verder bygedra tot dié aanskoulike vertoning.
Rayno van Wyk, Stefan Coetzee, Herschall Collins en Clive Samuel (2) het die drieë vir Paarl gedruk. Samuel het ook met vier straf- en vier doelskoppe geslaag.
* Paarl II het hul kragmeting 43-0 gewen en Paarl III het 24-11 verloor. Paarl o.20A het 15-15 gelykop geëindig teen Van der Stel o.20A.
More
News
|
