Opwindende netbal dié naweek
2007-05-31
DIE jaarlikse Suidelike Netbaltoernooi, aangebied deur Boland, vind hierdie naweek by die DF Malan Gedenksentrum in Stellenbosch plaas.
Spanne van Boland, Westelike Provinsie, Suidwestelike Distrikte, Sentraal-Boland, Swartland en Hantam gaan aan hierdie opwindende geleentheid deelneem.
Die hoogtepunt van die toernooi vind Saterdag 12:00 plaas wanneer Boland en WP mekaar die stryd gaan aansê.
Verskeie Tornado spelers (Wes-Kaapspan) sal tydens dié wedstryd in aksie wees vir altwee spanne.
Toegang sal R10 per persoon wees. Die wedstryde begin Vrydag om 18:00 en Saterdag om 08:00.
Vir meer inligting, skakel Tracey-Lee Baard by 083-360-1052.
More
News
|
