Is jy dalk 'n slaaf van drank of dwelms?
2007-06-21
DAAR word bereken dat ongeveer 10% tot 33% van volwassenes ly aan ’n alkohol-afhanklikheidsprobleem.
“Dit beteken elke tiende tot derde persoon wie by jou verbyloop of -ry moontlik onder die invloed van drank of dwelms kan wees.”
So sê die voorsitter van die Christelike Afhanklikheidsdiens (CAD) in die Paarl, Christo Jacobs.
Die CAD is daarop gemik om mense te help wat ’n verslawingsprobleem het, en hanteer dit uit ’n Christelike raamwerk.
Jacobs sê die verslaafde is inderwaarheid die slaaf van ’n middel en die organisasie probeer sulke mense help.
“Dit maak nie saak waaraan ’n persoon verslaaf is nie, dit kan wees alkohol, dwelms, dobbel of tot te veel eet.”
Die CAD vergader elke Maandagaand om 19:30 by die NG Kerk Paarlvallei in die klein saaltjie agter die kerk (hoek van Bothastraat).
Almal is welkom en kan Jacobs skakel by 082-256-5006 vir meer besonderhede.
More
News
|
