Newton FC klop Paarl Sokkerklub
2007-06-21
DIE Newton United FC het die afgelope naweek twee wedstryde in die Safa Boland Superliga gespeel.
Hulle het in ’n taai tuiswedstryd teen Paarl Sokkerklub te staan gekom met altwee spanne wat hard meegeding het vir ’n oorwinning.
Geen doele is tydens die eerste helfte aangeteken nie en Paarl het na rustyd verskeie aanvalle sonder enige sukses geloods.
In die 70ste minuut het Newton se Charles Daniels met ’n strafdoel geslaag nadat hy in die doelgebied gepootjie is. Twintig minute later het Ricardo Daniels met ’n langafstand-skop die agterkant van die net gevind om die tuisspan met 2-0 te laat seëvier.
Sondag het Newton teen Young Ideas van Ceres kragte gemeet in 'n gelykop stryd. Young Ideas het in die laaste vyf minute die wendoel aangeteken.
More
News
|
