Hands and Hearts klop Paarl
2007-07-05
DIE eerste span van Paarl Rugbyklub het verlede Saterdag tydens 'n wegwedstryd 22-18 teen Hands and Hearts verloor.
Die Paarliete het nie 'n volle tagtig minute gespeel nie en kan ongelukkig voel oor die tweede helfte wat gekenmerk was deur te veel hanteerfoute.
Paarl sal in die oorblywende wegwedstryde alles moet uithaal om onder die eerste spanne in die liga te eindig.
Rayno van Wyk en die belowende jong slot, Francois Janse van Rensburg het die drieë vir die besoekers gedruk.
Clive Samuel het met een doel- en twee strafskoppe geslaag.
Hannes Douglas was as speler van die wedstryd aangewys.
* Paarl II het hul kragmeting 20-8 gewen terwyl Paarl III 19-10 verloor het. Paarl speel hierdie naweek nog ’n wegwedstryd teen Scottsdene.
More
News
|
