Windmeul voor
2007-07-19
DIE Windmeul United Rugbyklub het verlede naweek tuis vir Harlequins van Milnerton kafgedraf nadat die Paarliete ‘n 33-3 sege behaal het.
Die eerste helfte was maar aan die stil kant met die rustydtelling 6-3 in die guns van Windmeul, maar ná die draai het die spelpatroon heeltemal verander.
Die bal is wyd versprei deur die tuisspan se agterlyn en het ook tot hul eerste drie deur Deon Samuels aanleiding gegee.
Kort daarna het Danwill Apollis die voorsprong met nog ‘n drie gerek.
Enkele minute voor die einde van die wedstryd, het Windmeul twee keer agter die doellyn gaan draai om die oorwinning te verseker.
Windmeul II en III het hul wedstryde onderskeidelik 14-2 en 21-15 gewen.
More
News
|
