Bulstryd lê voor
2007-07-19
DIE spanne van Newton en Hillcrest Rugbyklubs kom Saterdag vir hul tweede ronde kragmeting by Newtonpark te staan.
Newtons blyk gereed te wees vir hierdie bulstryd aangesien Hillcrest die eerste wedstryd naelskraap met 11-8 gewen het.
Verlede Saterdag het Newtons ‘n weghardloop oorwinning teen Paardekloof behaal toe hulle die span van die Witzenbergvallei met 51-26 geklop het.
Die Wellingtonners het teen rustyd reeds 31-12 voorgeloop, en het die krane in die tweede helfte volstoom oopgedraai om uiteindelik die wedstryd met sewe drieë te beklink.
Fransman het vyf doelskoppe en twee strafdoele behaal terwyl Bock (3), Jacobs, Watson, Baron en Johannes die driedrukkers was.
* Die tweede span van Newtons is ná twaalf wedstryde steeds onoorwonne in hul afdeling.
More
News
|
