Violets floreer
2007-08-30
DIE spanne van Violets Rugbyklub het verlede Saterdag seker gemaak dat hulle hul teenstanders Thistles tydens ’n wegwedstryd deeglik afgeslag het.
Die wedstryde van aldrie spanne is gekenmerk deur voortreflike hardlooprugby.
Konstruktiewe spel in die vaste fasette het ook bygedra tot die positiewe vloei van die spel.
Die eerste span van Violets het Thistles nie een geleentheid gegun om hul vlerke te sprei nie en het hierdie kragmeting met
55-0 gewen.
Violets II het tydens hul kragmeting met 57-7 gewen en die Thistles-manne behoorlik teen die grond gehad.
Die derde span het die besoekers met 65-5 van die veld gevee het.
Die dag het sonder enige twyfel aan Violets behoort.
Hierdie span speel Saterdag ’n wegwedstryd teen Blakes.
Die bus vertrek om 11:00 vanaf Groenheuwel.
More
News
|
