Onderskepdrieë sink Albions
2007-08-30
TWEE onderskepdrieë het Albions Rugbyklub Saterdag duur te staan gekom tydens hul 35-27 nederlaag teen Hands and Hearts.
Alhoewel die Paarliete die oorgrote meerderheid rugby gespeel het, het dié twee breekslae deur hul opponente die wind uit hul seile geneem.
Alrich Erasmus (2), Christopher September en Reagan Pietersen het agter Hands and Hearts se doellyn gaan draai met Lincoln du Preez wat twee doelskoppe en ook een strafskop deur die pale gejaag het.
Albions II het 20-8 verloor terwyl Albions III ’n 36-0 nederlaag gelei het.
* Albions Rugbyklub speel Saterdag tuis teen Franschhoek.
Die hoofwedstryd begin om 16:00.
More
News
|
