Vol feeskalender
2007-09-06
VANJAAR se Cultivariafees van 21 tot 24 September spog met meer as 100 produksies in 11 verskillende lokale sowel as die Kunsroete waar 100 kunstenaars hulle werke by 14 galerye sal uitstal.
Die kos- en wyn-emporium by die Faure stadion bied innerlike lafenis met meer as 18 wynplase, lewende musiek en verskillende geregte voorberei deur top spyseniers.
Spesiale voorsorg is ook getref vir die jongspan met die Safari Kinderteater wat daaglikse produksies sal aanbied.
Die Leserskring Boekefees word by die La Rochelle Hoërskool biblioteek aangebied en gee aan feesgangers die geleentheid om werkswinkels, demonstrasies en praatjies met bekende skrywers by te woon.
* 21 September om 09:00: Beginners Scrapbooking met Debbie Morbin & Tracy Boomer.
* 21 September om 12:00: “En maak daarmee ’n fluit,” so onthou ons Ronnie Belcher. Voorlesings deur Johann Nel, Riana Scheepers, George Weideman en Elias P Nel, met Laurinda Hofmeyr, Ronnie Belcher jr, Renée Belcher van den Berg en Schalk Joubert.
* 21 September 12:00: Paint on Paper Workshop met Monique Day-Wilde.
* 22 September 10:00: Children need boundaries met maatskaplike werker Anne Cawood.
* 22 September om 12:00: Potjie, ons gaan Paarl toe met Andries Krogman, Emile Joubert en Maureen Joubert. Potjiekos-ete ingesluit.
* 22 September 15:00: Advanced Scrapbooking met Debbie Morbin & Tracy Boomer.
* 23 September om 10:00: Die Drie Groot Geestelike Vrae met Gerrit Brand aangebied deur Lux Verbi.
* 23 September om 12:00: Easy Pewter Projects Workshop with Sandy Griffiths.
* 23 September at 15:00: Ingrid Jonker, Her lives and times - dokumentêre rolprent.
* 24 September om 12:00: In die kombuis. Rooi Rose se kosredakteur Vickie de Beer gesels met Carmen Niehaus oor haar nuwe Braaiboek. Kookdemonstrasie en middagete ingesluit.
* 24 September om 15:00: Afrikaans, Taal van Stryd en Hartstaal, met Amanda Botha, Gerrit Brand, EKM Dido en Ampie Coetzee.
Besprekings vir produksies, resturante en akkomodasie kan slegs gedoen word op die webwerf www.cultivaria.com of skakel 021-872-9754. Kaartjies is ook beskikbaar by die Paarlse stadsaal vanaf 08:00 tot 17:00 daagliks.
Kredietkaarte of kontant betalings.
More
News
|
