Duitse kerk hou basaar
2007-09-20
DIE Duitse Kerk bestaan al vanaf 1880, en omdat Duitsers inherent gesellig is, het hulle maar gereeld een of ander fees gevier.
Gewoonlik word basaar gehou in Oktober, maar hierdie jaar vind dit plaas op Saterdag om 09:00, in die middel van Cultivaria, en soos altyd op die Duitse kerkterrein in Meulstraat.
Paarliete is alreeds bekend met tipiese Duitse lekkernye soos die bekende kaaskoek, Schwarzwalder Kirschtorte en verskillende appelterte.
Daar sal ’n vleistafel wees met tuisgemaakte sult en wors, asook ’n lorrie vol plaasvars groente, en vir lentetuiniers genoeg sade en plante.
Ander tafels met naaldwerk, geskenke en tweedehandse boeke sal ’n plesier wees om te besoek.
Daar sal tot 17:00 gekuier word.
More
News
|
