Lower Paarl mors met Blue Downs
2007-09-20
DIE Lower Paarl Rugbyklub (Blues) het die afgelope naweek tydens ’n wegwedstryd 27-5 met Blue Downs afgereken.
Die Paarliete het voor en agter baie beter vertoon as ’n paar weke gelede. Hul verdediging was uitstekend gewees en het hul teenstanders bitter min geleenthede gebied.
Op die aanval het Lower Paarl sterk vertoon en hul opponente getroef met vier drieë teen een.
Riaan Jordaan, Cecil Thompson en Robert Pietersen (2) het die drieë vir die Blues gedruk.
Charleston Daniels het verder met twee doelskoppe en een strafdoel geslaag om sy span te laat seëvier.
* Lower Paarl Rugbyklub speel volgende naweek hul jaarlikse derby teen Young Peoples by Daljosafat-stadion.
More
News
|
