Lanquedoc All Stars deur na finaal
2007-10-04
DIE eerste span van Lanquedoc All Stars Rugbyklub het Saterdag tydens die semi-finaal van die Boland Plaasliga (Divisie 4) met Paarl United afgereken om hul plek in die finaal te verseker.
Die wedstryd het teen ’n vinnige tempo afgeskop met altwee spanne wat hard onder mekaar ingeklim het om beheer oor die wedstryd te kry.
Lanquedoc het egter te veel skietgoed vir hul teenstanders gehad en het hierdie kragmeting met 23-10 gewen.
Mario Goshia en Jonathan Andrews het die drieë vir All Stars gedruk, terwyl Denver Adams altwee drieë verdoel het en ook drie strafskoppe deur die pale gejaag het.
*Lanquedoc kom volgende Saterdag teen Simondium Crusaders in die finaal te staan by die Faurestraat-stadion. Die wedstryde begin om 13:00.
More
News
|
