Vrou sterf onder taxi
2007-10-25
NOG ’n voetganger het vandeesweek ’n slagoffer geword van ’n roekelose taxibestuurder.
Francina van den Heever (40) is gisteroggend deur ’n taxi getref toe die bestuurder ’n ander voertuig verby-gesteek het in Maystraat, Vanwyksvlei.
Volgens ooggetuies het die taxi teen ’n hoë spoed gery en dit het die voertuig gestamp.
Hierna het hy vir Van den Heever getref wat by ’n stopstraat gestaan het.
Haar liggaam is sowat 40 meter deur die lug geslinger voordat sy die grond getref het.
Die polisie ondersoek ’n saak van roekelose bestuur teen die bestuurder van die taxi.
More
News
|
