Wat verwag jy nou eintlik van 2010
2007-11-01
MET minder as 1000 dae oor voordat die 2010 Sokker Wêreldbeker afskop word daar wyd bespiegel presies hoe gemeenskappe in kleiner dorpe buiten Kaapstad sal baat by die geleentheid.
Kapitaalbelegging in infrastruktuur, bou van stadions en skep van werksgeleenthede baat op die oog af hoofsaaklik die gas-stede.
Oor die langer termyn, is een van die belangrikste moontlike impakte, die nagevolge wat internasionale blootstelling vir toerismegroei in die land - en streek - kan beteken.
Dit is egter belangrik dat sleutel rolspelers (soos nasionale regeringslui) ag slaan op die verwagtinge en behoeftes van landsburgers, plaaslike gemeenskappe en ander belanghebbers.
Wat gaan die 2010 Wêreldbeker vir jou beteken? Hoe gaan dit jou dorp en gemeenskap beïnvloed?
‘n Studie word tans onderneem om die verwagtinge van plaaslike inwoners te toets.
Stuur ‘n brief per epos aan edit@paarlpost.co.za of Die Redakteur, Posbus 248, Paarl, 7620. Die beste een sal geplaas word.
Prof Ronnie Donaldson (Stellenbosch)
(rdonaldson@sun.ac.za)
More
News
|
