Ware heer help
2005-06-09
WOENSDAGAAND 25 Mei het my motor onklaar geraak in Langenhovenweg oorkant die Parys begraafplaas in die Paarl. Ek kon niks doen nie en het net bly sit.
Vroeër het ons my dogter gaan afsien by die lughawe oppad terug Engeland toe. Dit was traumaties genoeg!
En toe stop hy by my - watter hulpvaardige, saggeaarde en vriendelike man. Hy het kom gesels, my gevra of hy kan help.
My motor wou glad nie vat nie. Sleep huis toe was die volgende stap.
By die vierrigtingstop in Hospitaalstraat stop hy en kom vra my of ek nog reg is - in sy truspieël kan hy sien ek is senuweeagtig want ek is nie gewoond om gesleep word nie.
By die huis aangekom kan ek nie genoeg dankie sê nie - en daar ry hy! Ek wil baie graag met u in aanraking kom. Met sulke mense in ons land wat ‘n helpende hand uitsteek, kan dit net beter gaan! Kontak my asseblief by 862-3104 bedags of 082-696-3708.
Maria Grobbelaar
More
News
|
