DIE onlangse aanstelling van 20 persone by die Drakenstein Munisipalitieit vir ’n periode van ses maande (en soos wat die gebruik geword het - dan onbepaald verleng word) sonder dat onderhoude gevoer is, sonder dat kortlyste opgestel is en sonder dat die sogenaamde “score sheet” met onderhoude ingevul word, kom as geen verrassing vir die DA nie.
Dit is immers hierdie tipe wanbestuur en arbeidspraktyke wat die DA op aanbeveling van ’n onafhanklike deskundige genoop het om te laat ondersoek en waarvoor ’n volgende onafhanklike deskundige op die gebied van munisipale bestuur inderdaad onder die DA-koalisie se bewind aangestel is.
Dit moet seker vir die huidige ANC-bewind ’n verleentheid wees dat die einste amptenare waarvan die ANC die ondersoeke en aanklagtes teen hulle gestaak en teruggetrek het, nou skaars ’n maand later die hand wat hul voed, byt en sulke twak aanvang.
Hopelik sal die publiek nou besef met watter bestuur en leierskap in die “Grys Paleis” Drakentein mee opgeskeep sit.
Burgemeester Manuel, doen iets daadwerkliks, sekere amptenare draf kringe om jou en maak jou naam krater.
Deetlefs du Toit (DA raadslid)
