Forum vir kinders op been
2007-12-06
ROLSPELERS het Dinsdag in Wellington vergader om sake rakende veral voorskoolse kinders te bespreek en ’n forum te stig. Daar is kommer omdat daar nog so baie jong kinders is wat verwaarloos rondloop en nie by kleuterskole of bewaarskole ingeskakel is nie. ’n Instansie, Catholic Welfare and Development, het hom be ywer om buitelandse gelde te bekom wat uiteindelik na plaaslike instansies afgewentel sal word vir ontwikkeling. ’n Droom van die Forum is om hulle te bearbei vir die verligting van armoede, om projekte van die grond af te bring en om meer ouers by hierdie projekte te betrek, soos die stigting van ’n gemeenskapstuin vir die verbouing van kossoorte, veral vars groente. Gemeenskappe moet gehelp word om in hul eie basiese voedselbehoeftes te kan voorsien. Die hart van die Forum lê oop vir die vrou en kind wat swaarkry. Hulle wil graag sien dat meer mense uit die algemene publiek prakties en fisies betrokke raak in hul projekte, sodat armoede hokgeslaan kan word en dat vroue en kinders se veiligheid gewaarborg kan word. Hulle doen ’n beroep op die publiek om betrokke te raak. Vir inligting, bel Janine by 021-807 6314.
More
News
|
