OP dieselfde dag dat Nederburg verneem het dat sy 2009 Private Bin Eminence as die allerbeste wyn by die 2011 Five Nations Wine Challenge in Sydney aangewys is, is aangekondig dat die wynmakery drie Grand d’Or en 11 goue medaljes by die Michelangelo Wine Awards verower het.
Een van die drie het gegaan aan die dessertwyn wat tydens die vyfnasies die gunsteling was.
Die ander Grand d’Or-wenners was die 2010 Winemaster’s Reserve Noble Late Harvest, wat by die Decanter World Wine Awards ’n trofee ontvang en by vanjaar se International Wine Challenge goud gewen het, asook die 2010 Private Bin D252 Sauvignon /Semillon, wat nét by die Nederburg-veiling verkoop sal word.
Van die elf goue medaljes het gegaan aan die 2008 Ingenuity Red, die 2010 Winemaster’s Reserve Baronne, die 2010 Winemaster’s Reserve Chardonnay en die 2011 Manor House Sauvignon Blanc.
