DIE bekende kliniese sielkundige en skrywer van twee trefferboeke oor depressie, dr. ST Potgieter, is die spreker by die volgende byeenkoms van Wellington se angs- en depressie-ondersteuningsgroep.
Die byeenkoms vind op 28 September in die Marthasaal in Wellington plaas.
Dr. Potgieter sal praat oor die vermoë om op te staan in moeilike tye. Twee van sy bekendste boeke, Staan op vir jouself en Staan op in moeilike tye, sal te koop wees.
Koffie, tee en eetgoed sal ná die praatjie bedien word, maar gaste word gevra om hul eie bekers saam te bring.
Vir meer inligting, kontak Petro Greeff by 072 709 8000.
