Joernalis
2008-04-17
PAARL POST
Die Paarl Post, een van die toonaangewende gemeenskapskoerante en gereelde wenner van die Cronwright Trofee vir Beste Gemeenskapskoerant in Suid-Afrika, het ’n vakature vir ’n dinamiese, energieke en tweetalige joernalis.
Joernalis
Die persoon in hierdie pos is verantwoordelik vir:
• Die insamel van nuus en akkurate inligting oor gebeure in die groter Drakenstein-area;
• Die skryf van gebalanseerde nuusberigte en artikels oor plaaslike gebeure in Engels en Afrikaans;
• Die neem van foto’s;
• Die bou van ’n netwerk van kontakte in die gemeenskap van Drakenstein deur goeie menseverhoudings.
Die ideale kandidaat is iemand met minstens drie jaar ondervinding in joernalistiek of ’n relevante tersiêre kwalifikasie, met ’n belangstelling in misdaadverslaggewing.
Die persoon moet die vermoë hê om onafhanklik te werk, asook in ’n span, onder voortdurende spertyddruk en soms ongereelde ure.
Die persoon moet beskik oor goeie taal-, rekenaar- en kameravaardighede, ’n rybewys en eie vervoer.
In ruil vir die suksesvolle kandidaat se dienste, bied die maatskappy ’n mededingende totale koste vergoedingspakket, wat maatskappyvoordele (pensioen en mediese fonds) insluit.
Indien u aan bogenoemde vereistes voldoen en bereid is om ’n nuwe uitdaging by ’n gevestigde gemeenskapskoerant te aanvaar, kan u ’n volledige CV rig aan die Redakteur by faks 021-872-9280 of e-pos edit@paarlpost.co.za.
Ingevolge Media24 se diensbillikheidsbeleid sal die geskikte kandidate uit die aangewese groepe voorkeur gegee word.
Sluitingsdatum: 2 Mei 2008
Indien u nie binne 14 dae gekontak word nie, kan u aanvaar dat u aansoek onsuksesvol was.
More
News
|
