PROJEKBESTUURDER
2011-01-27
PROJEKBESTUURDER: GRONDHERVORMING
(Paarl)
Hortgro Dienste verlang die dienste van 'n gekontrakteerde Projekbestuurder om Grondhervormingsprojekte pro-aktief te identifiseer, die ontwikkeling van detail besigheidsplanne te fasi-liteer, projekte te inisieer en te koördineer en vir 'n opvolgperiode te ondersteun.
Die persoon sal in die Wes-Kaap gesetel wees, maar sal nasionaal opereer. Die pos sal 'n breë landbou-fokus hę en nie uitsluitlik op sagtevrugte fokus nie.
Die suksesvolle kandidaat sal die vermoë moet hę om insette van kundiges op talle terreine te koördineer en samehangend in besigheids- en finansieringsplanne te integreer.
Pligte:
• Om SEB en grondbesit deur swart mense te bevorder;
• Om besigheidsplanne op te stel of te fasiliteer om volhoubare ondernemings wat deur swart persone besit of bestuur word daar te stel;
• Implementering van goedgekeurde besigheidsplanne;
• Om prosesse in plek te sit om potensiële entrepreneurs as begunstigdes van bemagtigingsprojekte te sif;
• Om insette van 'n poel van kundiges en kontrakteurs te koördineer om opkomende produsente tot volhoubare kommersiële wasdom te begelei;
• Om bestaande swart ondernemings en onder andere die lede van die Sagtevrugte Ontwikkelingskamer te help om suksesvol te ontwikkel in 'n hoogs kompeterende markverwante omgewing.
Vereistes
• 'n B- of BSc-graad met Landbou-ekonomie as spesialiteitsveld en 'n minimum van 5 jaar ondervinding in 'n kommersiële- of bemarkingsomgewing;
• Deeglike finansiële / landbou-ekonomiese begrip en ondervinding met opstel van komplekse besigheidsplanne;
• Uitstekende openbare betrekkinge;
• Rekenaargeletterdheid;
• Organisering-/beplanningsvermoëns en administratiewe kennis is essensieel; en
• Kennis van/of blootstelling mbt landbouproduksie.
Aanbevelings
• Analitiese vaardighede.
• Strategiese- en globale perspektief.
• Uitstekende verbale en geskrewe kommunikasievaardighede. (Afr. & Eng.)
• Visuele aanbiedingsvaardighede.
• Gedetermineerde en gemotiveerde self-ontwikkelaar.
Vergoedingspakket
• Onderhandelbare salarispakket, afhangende van die kwalifikasie en ondervinding van die geselekteerde persoon.
Neem asb kennis dat hierdie 'n kontrakpos is met 'n termyn van 3 jaar!
Stuur u CV aan: Retha Louw, Hortgro Dienste
Posbus 163, Paarl, 7622
Faks: 021-870-2915 • Tel: 021-870-2900
E-pos: retha@hortgro.co.za
Sluitingsdatum: 4 Februarie 2011
More
News
|
