’n ERA van byna ’n halwe eeu in die kleinhandelgeskiedenis van die Paarl word afgesluit wanneer een van die dorp se oudste gesinsondernemings op 29 Februarie sy deure op Jan Phillipsplein in die middedorp sluit.
Norval Louw was sedert 1961 aan die stuur van die modewinkel Pam Fashions, alombekend as Pams, totdat hy sewe jaar gelede op 77 oorlede is.
Daarna is die onderneming deur sy seun, Wynand, wat hom in 1989 by Pams aangesluit het, voortgesit. Volgens Louw jnr is daar onderhandel dat die Pam-han- delsnaam in die Paarl sal bly voortbestaan.
Dit sal in kombinasie wees met die naam van ’n nuwe modewinkel, Claret, wat eersdaags in Suider-Paarl geopen word deur Marian Clift, eweneens verbonde aan ’n ander lankgevestigde familie-onderneming in die Paarl, WJ Clift & Seuns.
Louw jnr sal voortaan sy tyd wy aan die herlewing van Die Hoogte, sy oupa, die pionier-argitek WH Louw, se historiese woning oorkant die KWV-hoofkantoor in Hoofstraat, Suider-Paarl.
