Nuwe wette oor dwelms bekyk
2008-08-21
“DIE stelling “ons neem kennis” moet begrawe word. Ons moet daadwerklik optree.” So sê Jeremy Green, een van net meer as 30 mense uit die gemeenskap wat hierdie week ’n sê-jou-sê-sessie oor die nuwe dwelm- en tabakwet in Paarl bygewoon het. Wetsontwerpe oor die voorkoming van en behandeling vir dwelmmisbruik en van tabakpoduktebeheer is behandel. Die publiek is die kans gegee om op die wette te reageer sodat moontlike aanpassings gedoen kan word. Die staande komitee oor maatskaplike ontwikkeling van die Wes-Kaapse Parlement het dit aangebied.Alhoewel baie vrae oor die algemene maatskaplike welstand gevra is, het die publiek nie baie insette oor moontlike veranderinge van die wetgewings gehad nie. Die beperkte tyd wat die publiek gegun is om die nuwe wetgewing onder oë te neem, is uitgewys Van die publiek wat nog insette wil lewer kan met Ben Daza by 021-487-1679 of bdaza@wcpp.gov.za skakel. Sessie-gangers was dit eens dat maatskaplike probleme in Drakenstein nie meer weggesteek kan word nie en dat swak dissipline by kinders ’n groot pobleem in die gemeenskap is.
More
News
|
