Lemietprojek: die ou dae
2008-10-16
Christine Siebrits
DIE geskiedenis van historiese Bainstraat, eens die hoofstraat van Wellington, word herroep tydens ’n gesellige aand in die Breytenbach-sentrum op Donderdagaand 23 Oktober om 19:00. Die storievertellers sluit in Warren Brink, Edith Stephenson en Spessie Malan onder leiding van Winnie Rust.
Dit is deel van die Lemietprojek in samewerking met die Vriende van die Wellington Museum en die Breytenbach-sentrum om die verlede en die hede van die Wellington gemeenskap te versamel en te vier. Die deurlopende projekte en uitstallings het ook ten doel om inwoners of ander skrywers te betrek om geskiedkundige en aktuele onderwerpe tot krea- tiewe leesstof en visuele objekte te omskep en ten toon te stel. Tans is die groep besig met Bainstraat as fokuspunt. Hierdie straat huisves die Bain Huis, die ou klavierfabriek en eerste skool. Vir navrae, kontak Alisa Farr (084-518-0404 of alisafarr@gmail.com) of Winnie Rust (082-708-1976 of herust@mweb.co. za).
More
News
|
