Student vereer
2008-11-13
’n PAARLSE student wat op 20 Junie in ’n motorongeluk gesterf het, is op 4 November tydens ’n gedenkdiens by die Universiteit van Stellenbosch se Departement Sielkunde vereer. Tydens die gedenkdiens is Werner van Tonder, wat besig was met ’n honneursgraad in Sielkunde, vereer vir sy uitmuntende bydrae tot navorsing en die respek wat hy afgedwing het by almal wat hom geken het. Die Departement beoog om die navorsing wat kort voor sy dood ingehandig is, af te rond en namens Werner te publiseer. Die Departement het ook die Werner van Tonder Eretoekenning ingestel wat jaarliks aan die verdienstelikste honneursstudent in Sielkunde toegeken sal word vir die beste navorsingsprojek in die Honneurs-pro- gram. Op hierdie manier verseker die Departement dat Werner onthou word en dat sy bydrae tot die Sielkunde-professie gehuldig word. Werner, wat hoofseun was van Noord- Eind Laerskool en in 2003 aan Gimnasium gematrikuleer het, word oorleef deur sy ouers, Wessel en Wilna, broer Francois, en vriendin Rudelle.
More
News
|
