Vasgetrek
2009-01-29
’n PAARLSE vrou het onlangs haar voetsole flenters gebrand nadat sy ’n dief wat haar hondjie probeer steel het, kaalvoet op die warm teerpad agternagesit het. Die vrou sê die verdagte het haar jong Staffordshire terrier oor die hek getel en weggehardloop. Die vermeende dief is wel vinnig deur die polisie aangekeer en die hondjie veilig terug aan sy eienaar besorg. Maar die vrou het haar voete so erg beseer van agter hom aanhardloop, dat sy nou met krukke moet loop totdat dit herstel het. “Die polisie het vir my gesê dat die verdagte ’n string veroordelings agter sy naam het. “Wat my so kwaad maak, is dat so iemand weer op straat toegelaat word,” het sy woedend gesê. Alvezo Arendse (22) is in hegtenis geneem.
More
News
|
