Oud-Gimmie gegroet
2009-03-05
Engela Duvenage
HY was lief vir visvang, braai, rugby die Suid-Kaapse kusdorpie Puntjie, mense en tamatiesous. Met hierdie herinneringe is daar met ’n glimlag, ’n fluit en heelwat trane afskeid geneem van ’n gewilde jong man van Wellington, Pieter-Nico Leipoldt (25), wat vroeg Woensdagoggend sy lewe by sy ouerhuis geneem het. ’n Lofprysingsdiens in ’n stampvol NG Kerk Wellington-Noord is Sondagoggend op ’n besonderse wyse deur ds Francois Human gelei. Pieter-Nico, ook bekend as Pietie, was ’n gebore Bolander en oud-leerling van Laerskool Hugo Rust en Paarl Gimnasium. Ná skool het hy Landboubestuur aan die Kaapse Skiereiland Universiteit van Tegnologie gaan studeer, en was hy onder meer in die plaaslike gasvryheids- en onthaalbedryf werksaam. Die afgelope jaar was hy ’n landboutegnikus by Screeners in Wellington, waar hy ook sy liefde vir die natuur en die buitelug kon uitleef. Hy laat sy ouers, Nico en Dalene Leipoldt, sy suster Cara, broer Christian en sy ouma Kate Beukes agter, asook sy vriendin Daniele de Venter.
More
News
|
