DIE prinsipaal van Sonop Primêr, Gregory Lawrence (53), is Dinsdagoggend in die Paarl MediClinic oorlede nadat hy Maandag in die intensiewesorg-eenheid opgeneem is.
Hy was van 1978 kunsonderwyser by Klein Nederburg Sekondêr en word in 1981 die adjunk-hoof van New Orleans Primêr. In 2003 word hy hoof van Sonop Primêr.
“Hy was soos ’n vaderfiguur vir sy skoolkinders,” het Tommy Loriston gesê. “Hy het homself behoorlik uitgeleef as dit gekom het by die skool.” Volgens sy broer, Trevor, was hy ’n baie hardwerkende man wat ook geweet het hoe om mense te laat lag.
Hy word oorleef deur sy vrou, Faith, en sy broer. Die begrafnisdiens is Saterdag 10:00 by St Stephen’s Kerk.
