Broers verongeluk
2005-09-01
TWEE broers van Wellington het Saterdagaand saam gesterf toe hul motor teen Dutoitskloofpas afgestort het.’n Vragmotorbestuurder het Sondagoggend met eerste lig die wrak van die motor raakgesien en alarm gemaak.
Jeremy Volkwyn (39) en sy broer Joel (38) van Voorstraat het die dag by familie op Worcester gekuier.
Alhoewel hul moeder bekommerd geraak het toe hulle nie tuis opgedaag het nie, het sy aanvaar hulle bly by familie of vriende oor.
Die broers het beheer oor die motor verloor sowat 15km van Rawsonville en het teen die kranse afgery. Hulle is op slag dood, altwee vermoedelik as gevolg van nekbreuke.
Benewens hul moeder Ada laat die broers elk ’n tienerseun, ’n ouer suster en ’n ouer broer agter.
Die gedenkdiens is 10:00 Saterdag in die St Stephenskerk in die Paarl. Die familie versoek geen blomme nie, eerder ’n skenking aan die kerk.
More
News
|
