Twee Wellingtonners sterf
2010-02-25
’n VROU wat sewe maande swanger is met haar eersteling, is die afgelope week geruk deur die skielike dood van haar man in ’n motorongeluk. Rupert Odendaal (33), wat by H & H Spares in Wellington gewerk het, was Woensdagaand ongeveer 22:45 op pad na sy huis in die Perdeberg-omgewing, toe hy beheer oor sy motor verloor het op die Lady Loch-pad, net voor die aansluiting met die Malmesbury-pad. Die motor het gerol en Odendaal is vermoedelik op slag dood toe hy uit sy motor geslinger is. Odendaal en sy vrou Natalie sou in April hul eerste huweliksherdenking vier, en hul eersteling word in Maart verwag. Nog ’n Wellingtonner, brandweeroffisier, Clam Samuels (36), het op 13 Februarie gesterf in ’n ongeluk naby Robertson. ’n Amptelike begrafnis is vir hom gehou deur sy kollegas van die Wynland-distriksraad (foto bl W3). Samuels word oorleef deur sy vrou en drie kinders. * Oud-Paarliet Leonard Koza (67), ’n bekende in literêre kringe, is Saterdag oorlede in ’n motorongeluk tussen Malmesbury en Durbanville, ná ’n kop-aan-kop-botsing met ’n vragmotor.
More
News
|
