’n WELLINGTONNER is baie dankbaar dat haar motor teruggevind is ná ’n berig in die Paarl Post.
Lettie Smallberg van Wellington se goudkleurige 1987 Honda Ballade is twee weke gelede by die Wellington-stasie gesteel. Dit is enkele dae later onbeskadig in Mbekweni teruggevind en pryk nou weer in haar werf.
Sy het die op-en-wakker lid van die publiek wat haar oor die diefstal ingelig het, bedank vir sy hulp.
