Chris Wüst oorlede na hartoorplanting
2005-09-22
’n BEKENDE inwoner van Wellington en ingenieur by Drakenstein Munisipaliteit, Chris Wüst, is Maandag oorlede.
Wüst (44), het op 14 Mei ’n hartoorplanting in die Christiaan Barnard Hospitaal in Kaapstad ondergaan.
Op 3 Junie, sy vrou Suzan se verjaardag, het hy huis toe gekom.
Hy het goed herstel ná die operasie en was vol moed.
“In alles het ons die hand van die Here ervaar,” het hy in ’n brief in die Paarl Post gesê.
Hy het onlangs ook weer begin werk.
Wüst het in 1999 hartskade opgedoen, vermoedelik weens ’n griepvirus.
Vir vyf jaar is die toestand met medikasie beheer, maar ’n pasaangeër is verlede jaar tevergeefs ingeplant.
Hy word oorleef deur sy vrou, Suzan, en drie kinders Lea-Marie (12), Carli (10) en Suzanne (6).
Die teraardebestelling is Vrydag 10:00 met die diens om 11:00 in die NGK Wellington-Oos.
More
News
|
