Bekende oorlede
2010-11-04
DIE bekende Paarlse bouer, Heinie de Villiers (84), is Vrydag ná ’n kort siekbed oorlede. De Villiers was veral bekend vir sy maatskappy, HJA de Villiers Meesterbouers, en was verantwoordelik vir menige bekende bouprojekte, waaronder die NG Kerk Courtrai. Ander projekte wat hy suksesvol voltooi het, sluit in Fase1 van Huis Vergenoegd, Paarl Gholfklub se eerste klubhuis ná die verskuiwing vanaf Berlynstraat, en die huidige Verkeerskantore in die Bergrivier Boulevard. Van die laaste projekte voor sy aftrede was die Wellington Nywerheidskool vir Dogters. Heinie was ’n stigterslid van die Boland Meesterbouersvereniging en het een termyn as president van die organisasie gedien en was later ook ’n lewenslange erelid van die vereniging. Hy word oorleef deur een seun, Peter, en twee dogters, Sandy en Riana. Die begrafnis is vandag om 14:30 vanuit die Strooidak NG Kerk, Paarl.
More
News
|
