Dwelms gevind in Noorder-Paarl
2011-03-17
PLAASLIKE polisiebeamptes het weer ’n slag geslaan, toe hulle beslag gelê het op ’n groot hoeveelheid van die dwelm Tik. ’n Spesiale ondersoekspan het verlede week inligting opgevolg oor die handel in dwelms in die Paarl. Dit het hulle gelei na Wilfred (Bobby) Hendriks, van Magnolia. Die polisie het Hendriks tuis ondervra, maar het geen dwelms in sy besit gevind nie. Hulle het wel bykomende inligting ontvang dat hy ’n woonstel huur by Bergsig in Noorder-Paarl. Die polisie het hier ’n klopjag uitgevoer en op 100g Tik afgekom, sowel as R20 000 kontant. Hendriks is in hegtenis geneem en bly steeds in aanhouding. Volgens die polisie is daar ook ander klagtes van die besit van dwelms wat tans teen hom ondersoek word.
More
News
|
