Onderwyser oorlede
2005-10-20
’n ONDERWYSER wat onlangs afgetree het nadat hy meer as 24 jaar by Gimnasium Hoër onderwys gegee het, is Saterdagmiddag in sy tuin dood aangetref waar hy rose geplant het.
Die 62-jarige Marius Nel van Skoolstraat 26, Noorder-Paarl, het tot Junie vanjaar klas gegee in Landbou en Natuurwetenskap by die skool.
Hy het ook voorheen Xhosaklasse gegee, totdat dit uitgefaseer is by die skool.
Hy het sedert sy aftrede gewerk as bemarker van organiese spuitstowwe, en was besonder lief vir tuinmaak.
Hy word oorleef deur sy vrou Rhoni, twee ongetroude seuns, ’n getroude dogter en een kleinkind. Die begrafnis was gister uit die NGK Paarlberg.
More
News
|
