Groot kunsuitstalling open
2011-08-11
Johan Nel
’n PRAG-UITSTALLING van keramiekwerk en skilderye open Saterdag in die Grevilleas-kunsgalery van die Breytenbach-sentrum op Wellington. Die uitstalling word gesamentlik deur die Drakenstein Kunsvereniging en die Breytenbach-sentrum aangebied. Volgens Annalise Schoeman, projekbestuurder van die Breytenbach-sentrum, is die sentrum reeds ’n geruime tyd saam met die Drakenstein kunsvereniging betrokke by projekte om keramiekklasse aan werklose huisvrouens aan te bied en om gevangenes by die gevangenis op Malmesbury se vaardighede om te skilder te slyp. Hierdie twee groepe het al die keramiekstukke en die skilderye wat uitgestal gaan word, geskep. Al die produkte wat uitgestal word, sal te koop wees. Meer besonderhede oor die uitstalling en oor die sentrum en die kunsvereniging se gemeenskapsprojekte kan verkry word by 021 873 2786.
More
News
|
