Man met knuppel doodgeslaan
2005-11-10
n JONG man van Simondium is voorverlede naweek dood op die plaas Plaisir de Merle, nadat hy glo deur ’n sekuriteitswag aangerand is.
Andrew Flink (22) en twee van sy vriende was omstreeks drie-uur die oggend van die plaas Vrede en Lust na Plaisir de Merle onderweg, waar Andrew by sy ma, Gertruida Abramch, gewoon het.
Die sekuriteitswag, Jacob Nyongo, het die twee vriende van die plaas af probeer begelei toe Andrew blykbaar ingegryp het.
Hy is na bewering geskop en met ’n knuppel aangerand.
Sy ma het later die oggend op haar seun se lyk afgekom waar hy nog in die wingerd gelê het.
Nyongo, sekuriteitswag by Millennium Security, is in hegtenis geneem en het op aanklag van moord in die hof verskyn. Hy is op R500 borgtog vrygelaat. Die saak is uitgestel tot 9 November vir verdere ondersoek.
Flink was ’n algemene werker by die Bergrivier Damprojek. Hy laat twee dogters en ’n seun agter.
More
News
|
