Gedenkdiens in Strooidak
2006-01-12
‘n BEKENDE oud-Paarliet, Jan Pretorius (65), is op 7 Desember by sy huis in Hermanus oorlede aan kanker. 'n Herdenkingsdiens word op 26 Januarie om 11:00 in die Strooidakkerk in die Paarl gehou.
Pretorius het geboer in die Vrystaat en later naby Pietermaritzburg waar hy 'n welbekende veespekulant geword het, voordat hy hom in 1988 op die plaas Parys gevestig het.
Hy was 23 jaar getroud met Welma Stighling en hulle het drie dogters gehad, Madelene, Caren, en Verna.
Hy is in 1983 getroud met Wiwe Ras, ‘n huwelik van 12 jaar, waaruit 'n seun Jean-Jacques gebore is.
Hy is in Mei 2003 getroud met Marieta Roos en verhuis in 2004 na Hermanus.
Hy laat 'n suster, Patrys van Niekerk, sy vrou, vier kinders en ses kleinkinders agter.
More
News
|
