Mak Dikkoppie gesoek
2006-03-02
DIE Siderfin-gesin van Burgstraat 43, Wellington, is kliphard op soek na hul mak dikkop van Vrydagoggend verdwyn het.
“Dikkoppie” is vyf maande gelede as ’n pasgebore kuiken in die industriële gebied van Wellington gevind waar sy ma doodgery is. Hy is baie mak, reageer op sy naam en is nie bang vir mense, katte of honde nie.
Verlede Vrydagoggend omstreek 03:00 het hy verskrik geroep nadat hy vermoedelik deur ’n kat aangeval is op die matjie waar hy altyd op die voorstoep slaap.
Enigeen wat die voël gewaar, kan vir Lizette Siderin skakel by 873-2985.
More
News
|
