Billy Kerwan lê tuig neer
2006-04-26
’n BEKENDE Paarlse sakeman, Billy Kerwan (60) tree vandeesmaand uit na sewe jaar by McCarthy Toyota Paarl. Kerwan was voorheen 26 jaar verbonde aan Spilo as finansiële direkteur, en was daarna ook drie jaar by Courtrai Auto.
Hy het gematrikuleer aan Hoër Jongenskool en was as sakeman baie aktief in die gemeenskap. Hy was onder meer betrokke by die Paarlse Sakekamer, skoolbestuursrade, HJS se oudstudente-unie, kerkraadslid, polisieforum en Rotariërs.
Hy dien ook as lt-kolonel en bevelvoerder van 1 Opsporingsregiment SAA vir 13 jaar en ontvang die John Chard Medalje in 1977, die Aanprysingsmedalje in 1979, Medalje vir Getroue Diens asook die Suiderkruis Medalje in 1985.
Billy was sowat ’n jaar gelede net buite Hermanus in ’n kop-aan- kop-botsing betrokke. Tans herstel hy van ’n rugoperasie wat verband hou met die ongeluk en is met siekteverlof.
More
News
|
