Polisie soek familie
2006-05-25
DIE polisie wil graag in aanraking kom met die familie van ’n bosslaper wat dood in die Paarl Arboretum aangetref is.
Die ontbinde liggaam van ’n vyf-en-dertig-jarige man wat net bekend was as Tikkie, is in Februarie tussen die bosse aan die oewer van die Bergrivier gevind.
Diegene wat hom geken het, kan insp Auckland Losper skakel by 807-4000.
* Daar word ook gesoek na ’n man wat die polisie wil ondervra in verband met die moord op ’n hawelose man by die nagskuiling.
Die voorval het op 12 Augustus 2004 by die Haven nagskuiling plaasgevind, toe Colin Morgan met ’n mes doodgesteek is.
Die polisie sal graag Isak Smit (25) wil ondervra wat tydens die aanval by die nagskuiling gebly het, en wat ná die voorval spoorloos verdwyn het.
Insp Losper kan ook in verband met dié saak gekontak word.
More
News
|
