Reserviste vir Wellington
2006-07-13
WELLINGTON polisiestasie is besig met ’n werwingsveltog vir reserviste om vrywillige diens in die gemeenskap te lewer.
Kandidate moet in besit wees van ’n matrieksertifikaat, mag geen kriminele rekord hê en nie ouer as 18 wees nie. Persone met ’n bestuurslisensie sal voorkeur geniet. Sekuriteitsbeamptes kan nie aansoek doen nie.
Alle kandidate gaan blootgestel word aan psigometriese toetse en indien aanvaar, sal die reservis ná opleiding die status hê van ’n permanente lid, maar sonder betaling.
Dienste sal eers in die aanklagkantoor verrig word en later, na voltooing van opleiding, sal dienste ook buite gedoen word.
Ope dae vir voornemende reserviste is Woensdae 12, 19 en 26 Julie, van 08:00 tot 15:00, by die Wellington polisiestasie.
Navrae by insp Stephen Moore 873-2913.
More
News
|
