Norval wag vir bed
2006-10-12
DIE vermeende ‘dolk-moordenaar’, Clifford Norval, se hofsaak is verlede week vir die derde agter eenvolgende keer uitgestel, omdat die Staat steeds nie vir hom ’n bed kan gee by Valkenberg-hospitaal nie.
Norval, wat aangekla word van die moord op straatwerker Ellenor Leander (52) op 1 April vanjaar, is twee maande gelede vir waarneming na Valkenberg verwys, maar daar is tans nie plek vir hom in die inrigting nie.
Norval beweer dat hy geen kennis dra van die gebeure van die noodlottige aand, toe Ellenor negentien keer met ’n ornamentele dolk gesteek is nie, en dus kan hy nie rekenskap van die gebeure gee nie.
Ellenor se liggaam is vanuit Norval se ouer-huis tot in Aurorastraat, Denneburg, gesleep.
Die saak is uitgestel tot 30 Oktober.
More
News
|
